A insawi thei lutuka an suspend daih

NBC-a an managing editor leh anchor lar leh hlawhtling, Brian Williams chu kum 2003-a Iraq rama a tawnhriatte a sawi uar lutuk a, an suspend dawn!

NBC News chief, Deborah Turness chuan, "Kum 2003-a Iraq Indo lai chanchin a sawiah thu belhchian dawl lo tam tak a awm a, a sawi uar lutuk a ni. Brian-a dinhmun angah chuan hetianga thil sawi hi a dik lo a, a inhmeh lo. Hei vang hian thutlukna hrehawm tak siam a ngai a, Brian hi suspend tura tih a ni a, hei hi action lak dan tur ṭha leh dik ber niin kan ring a ni," a ti.

Brian hi a lo insawi thei viau a ni ang, kum 2003-a Iraq indonaah khan, a sawi dan chuan helicopter a khalh a, chu chu Rocket Propelled Gun hmanga kah a ni. A insawi dan aṭang hi chuan a ropuiin a huai hmel khawp mai. A insawi theihna chungchang, dik si lo avang hian Facebook-a a page-ah thupha a chawi tawh a ni.

Tunah hian Brian hi chhui chian mek a ni a, a chuanna helicopter, ama khalh ngei hi RPG hmanga kah a ni tak tak em tihte an chhui zui mek.