Kari Jobe Pathian awmpuina a pawimawh

Kristian zaithiam hlawhtling Kari Jobe chuan a hla, 'Always Enough' chungchang sawiin, he hla hi mite nuna Pathian awmpuina pawimawhzia tarlanna hla a ni, a ti. Always Enough hla hi Kari Jobe album, Majestic-a mi a ni.

Jobe chuan culture hian mihringte hi a ni lo zawngin min kaihruai thei niin a sawi a, advertisement avangtein eng emaw neih hma chuan nun hi a tawk lo nia ngaihna a siam ṭhin niin a sawi. Khawvel thil eng emaw, vâng leh hmuh harsa tak neih avanga nun kim tura ngaihna chu dâwt a ni tih sawiin, Pathian awmpuina leh a hmangaihna chuan nun tak tak a pe a, a hriattir zawk niin a sawi.

"Eng emaw lai khan kei pawhin heng thilte hi hlu riauin ka hre ṭhin a, mahse tunah chuan Krista avangin heng zawng zawng hi a liam a, hlutna tak tak nei lo an ni tih ka hre ta a ni. Isua Krista hi ka Lalpa a ni tih hriat tluka hlu emaw, a tluk phak tur hi a awm lo a ni," a ti.

"Pathian awmpuina tak tak chuan ropuina lem a tilang chiang a, a hmel ropuina êng hmaah chuan hetiang inbumna chhûm dum hi a kiang vek ṭhin a ni. Amah chu hre tak tak tur chuan a hnen kan pan a ngai a, chutah chuan dâwt thu chu a bo ṭhin a ni," a ti.