KṬP Bethlehem Branch Golden Jubilee

Kristian Ṭhalai Pawl, Bethlehem Branch-te chuan February 16 - 23, 2015 chhung hian an branch kum 50 tlin lawmna hunpui an hmang dawn. He hun hmanpui tur hian Bethlehem Branch member lo ni tawh zawng zawngte an sawm a ni.

Bethlehem Branch hian nikum lam aṭang khan Golden Jubilee lawmna hi an lo kalpui tawh a. ZONET nen ṭangkawpin Inter Branch KṬP Bible Quiz an buatsaih a, Jubilee Concert, Charity Ride, Thisen pek runpui leh Free Clinic-te pawh Jubilee lawm nan hian an lo buatsaih tawh a ni.

Zanin aṭang hian Golden Jubilee lawmna hunpui an ṭan dawn a. Kar tluanin programme a awm ang a, February 23, Thawhṭanni zanah a lawmna hunpui bik hi a zo ang a, Jubilee lawmna hrim hrim chu kum tluanin an kalpui dawn a ni

February 22, 1965 aṭanga ding ṭan Kristian Ṭhalai Pawl, Bethlehem Branch-ah hian member 900 an awm mek a ni.