Sam Smith-an Grammy hlawkna a la tel

Grammy-a a hlawh­tlinna avangin Sam Smith-a music-in hralh a kal thar leh a, UK album chart-ah pakhatna a rawn hauh leh thei.

Pathiannia tihchhuah, British album chart-ah Sam Smith-a album In The Lonely Hour chu pakhatnaah a rawn hauh leh. Hei hi Grammy-a award pali lai a lak rah chhuah a tih loh theih loh ang. A hma khan palinaah a chhuk thla hman tawh a, Grammy hnuah nasa takin a rawn invawrh sang leh a ni.

Pahnihnaah Ed Shee­ran-a album X chu a awm a, pahnihna leh pathum­naah erawh album thar a rawn lang thung. Pa­thum­na hi Canadian rap­per Drake-an Zir­tawp­nia a tihchhuah thut kha a ni a, a album thar If You're Reading This You're Too Late a ni. Pali­­naah hian Irish quar­tet, Kodaline album pa­hnihna, Coming Up For Air a awm.

Single chart lamah chuan Ellie Goulding hla, Love Me Like You Do chu pakhatna a ni a, he hla hi Fifty Shades of Grey-a OST track niin, UK bikah hian copy 118,000 zet an hralh. Pahnihnaah Hozier hla, Take Me To Church a awm bawk. He hla hi hapta 21 chhung zet chu top 40-ah a lang tawh a ni.