Fifty Shades of Grey hlim a lian

Kar tawpah khan movie thar an rawn chhuak ṭha a, pakhatna leh pahnihna pawh movie thar an ni. Movie thar chhuak zingah Fifty Shades of Grey a hlawhtling ber a, kar tawp chhunga a sum lakluh pawh a neu lo hle, $mtd81.7 zet a ni.

Sum lalut hnem hle mah se, Fifty Shades of Grey hian a siamtute beisei erawh a pha lo hle. A siamtute beiseiah chuan $mtd158 zet a ni. He film hi kar tawpah khan ram 58-a theatre 9,637 zeta chhuah a ni a, theatre pakhatah hian screen pakhat aia tam awmna a nual hlawm a, screen zawng chuan a tam hle ang.

He film hi college aṭanga graduate Anastasia Steele leh businessman la naupang tak, Christian Grey thawnthu, an inhmangaihna sosang vel chanchin a ni ber. Trilogy a ni a, tuna mi hi a hmasa ber niin, film dang pahnih a la chhuak leh ang. Twilight bu aṭanga rawn zi chhuak a ni a, a lehkhabu hrim hrim hi critics-te thlirna aṭangin a hlu vak lo a ni ang, sawisel a ni fo. Ziaktu hmingthang leh Muslim ram tam takin man an duh em em Salman Rushdie chuan, "Lehkhabu tihchhuah ve tak lêmah chuan he lehkhabu hi ka chhiar tawh zinga lehkhabu chhe ber (bad) a ni," a ti. Literary quality zawng pawhin he lehkhabu hian engmah hlutna hranpa a nei lem lo, tih hi critic-ten a lehkhabu hrim hrim an sawiselna a ni. Twilight hrula a thawnthu ruangam tam tak a kal avang hian copyright chungchangah pawh sawisel a hlawh tho.

Pahnihnaah hian Kingsman: The Secret Service chu a awm a, kar tawp chhung a sum thawh chhuah hi $mtd35.6 a ni. He film hi Colin Firth leh Taron Egerton te channa a ni. Kar hmasa leh lama pakhatna The SpongeBod Movie: Sponge Out of Water chu pathumnaah a awm a, $mtd30 lai chu a la hmuchhuak thei. American Sniper chuan $mtd16.4 lalutin palinaah a la kai.

Box office movie

"Fifty Shades of Grey" - $mtd81.7

"Kingsman: The Secret Service" - $mtd35.6

"The SpongeBob Movie: Sponge Out of Water" - $mtd30.5

"American Sniper" - $mtd16.4

"Jupiter Ascending" - $mtd9.4

"Seventh Son" - $mtd4.2

"Paddington" - $mtd4.1

"The Imitation Game" - $mtd3.5

"The Wedding Ringer" - $mtd3.4

"Project Almanac" - $mtd2.7