India chakin huhang a nei lian Bollywood star-ten an lawmpui

Cricket World Cup-a India-in run 76-a Pakistan an hneh chu khawvel hmun hrang hranga Indian fan-ten an awmna hmun apiangah an lawm a ni ber. Kashmir-a chemsen nena inhmachhawn reng India leh Pakistan inkhel hi khawvelin a ngaihven ve hrim hrim.

Pakistan khawpui lian Karachi-ah chuan Pakistan an chak loh avanga fan thinrimin TV an tichhe nasa hle a, kawtthlerah te an chhuak khawm a ni. Tun hi a zawna ṭum ruk India an hneh lohna a ni tawh. India leh Pakistan inkhel hi khawvel pumah mi tluklehdingawn 1.5 zetin an en. India leh Pak inkhelh hma aṭangin TV ad aṭangin an inbei tawh a ni. Pakistan TV ad-ah chuan India an hneh ṭumte uar takin a rawn puang chhuak.

India chak thawmah Bollywood star-te an rawn ṭawng duh hlawm hle. Amitabh Bachchan pawhin Twitter-ah lawmpuina leh fuihna thu a rawn tweet. PM Narendra Modi pawhin lawmpuina thu a sawi chhuak a, zaithiam lar leh hmingthang Lata Mangeshkar te, actor Anupam Kher te, Kabir Bedi ten India team an lawmpuizia an rawn tarlang a ni.