Disney+ travel series-ah Jimin leh Jungkook

BTS member Jimin leh Jungkook chu Disney+ travel series 'Are You Sure?!' ah an chang a, nimin khan BTS chuan an official social media-ah a poster leh trailer hi an dah chhuak a ni.

'Are You Sure?!' hi Jungkook-a sipaia a ṭan hmaa Jimin nen an zinkualna vel niin, trailer-ah hian US-a nipui hun laia an hun hman te, favang laia Jeju-a an zinna leh, Sapporo-a thlasik laia an zinna te a lang. Kayaking, water gun fight leh snowboarding an ti laite langin, an inkawmngeih ziate a lang a ni. Disney+ chuan epidose 1 leh 2 hi KST-a August 8-ah a ti chhuak dawn. Series-ah hian episode 8 thleng awmin, August 15 aṭangin Ningani apiangin episode thar hi pek chhuah ṭhin a ni ang.