Jimmy Kimmel leh John Mulaney-ten Oscar host tura sawmna hnar

Late-night talk show host Jimmy Kimmel leh 'Saturday Night Live' writer hlui John Mulaney-te chuan 2025 Oscar host tura sawmna an hnar. Hei vang hian ABC chuan March 2, 2025-a neih tur, Academy Award vawi 97-na host tur hian mi dang an ngaihtuah leh a ngai dawn ni.

Network lamin an duh ber, Kimmel hian Oscars hi vawi li a host tawh a, fak pawh a hlawh viau a ni. Kum 2023-a a host dawn ṭum kha, 'Oscars vawi li host hi ka lo suangtuah ṭhin a ni," a ti a, a vawi nga-na atana host tura an sawmna hi a hnar ta a ni. Mulaney pawh hian interiview-ah Oscar host chu a thil chakawm tak a nih thu sawi tawh mah se, a programme lo neih tawh sa avang leh, host tur hian hun eng emaw chen inpek a ngaih dawn avangin a hnar ve leh ta tho a ni. ABC hian Oscar host tur bakah, September 15-a Emmy Awards host tur pawh a la zawng mek zel a ni.