MZI-in B.Mus. atan hma an la

Mizo Zaimi Insuihkhawm chuan Mizorama music zirna changtlung zawk, Bachelor of Music zirna a awm theih nan hma an la chho mek a, hetiang lam atana mi pawimawhte kawmin hmalak dan turte an sawiho.

Thawhlehni zan khan Mizo Zaimi Inzawmkhawm Gen Hqrs hruaitute chuan Mizorama Bachelor of Music zirna a awm theih dan tur chungchangah H. Zothangliana, Parlia­mentary Secretary, Higher and Technical Education leh Art & Culture dept chu an hmu a, B.Mus. a awm ngei theihna tura an rawtnate an thlen a, H. Zothangliana hian a lo phurpui hlea theihtawp chhuahpui a lo tiam.

MZI hruaitu te hian 'Bachelor of Music' chungchang hi Chief Minister Lal Thanhawla hnenah an lo thlen tawh a, CM-in a lo rawn angin Higher and Technical dept hotute a rem ang ang hmuh tumin H.Zothangliana hi an hmu hmasa ta ber a ni.