Harvard-in Eva Longoria an chawimawi

Desperate Housewives-a changte zinga mi, actress lar Eva Longoria chu khawvela university ṭha ber, Harvard University chuan chawimawina an hlan. Performing arts-a a a thawhhlawk avang te, mite ṭanpuina lama a thawh nasat em avangtein Harvard University hian chawimawina an hlan a ni.

Harvard University hian a hmain Will Smith, Denzel Washington, Matt Damon, Halle Berry leh Sharon Stone te pawh an lo chawimawi tawh a ni.

Tun Inrinni lo awm tur hian Harvard Foundation chun Massachusetts-ah Cultural Rhythms Festival an hmang dawn a, hetah hian Eva Longoria hi Harvard University chuan Artist of the Year an hlan ang. Artist of the Year tih hian zai lam a ni hran lo a, performing arts a kawk zawk.

Harvard Foundation-a an director S. Allen Counter chuan, "Student committee chuan performing art-a a contribution ropui leh ṭhahnem tak te, mite ṭanpui a, mihringte ṭhatna tura a hnathawhte hi ropui a ti a ni a, Eva-in ṭanpuina tura a din, Heroes project kaltlanga naupang kuttualleichhamtena hlawkna an chan zawng zawngte hi a hria a, a hmu a ni," a ti.