Fifty Shades of Grey an pirate nasa

Theatre-ah a hlawh­tling a, box office-ah pakhatna a hauh thei. Hei mai bakah Fifty Shades of Grey hi inter­net lamah pawh a hlawh­tling hle. Mahse internet-a a hlawhtlin dan hi he film siamtute tan chuan a thinrim thlak thung ang.

Jamie Dornan leh Dakota Johnson te channa, Fifty Shades of Grey film hi internet-a download a ṭhahnem a, kumin chhunga movie zinga pirate nasat ber a ni. Excipio-in a tarlan danin dan lo, pawisa chawi miah loa download hi 298,037 zet an awm tawh a, tunah phei chuan an pel thui leh viau tawhin a rinawm.

Internet-a dan loa upload hmasak ber nia an hriat chu February 14-a mi kha a ni. Dan loa download zinga address 44,896 hi US aṭangin a ni a, UK aṭangin 33,839, India aṭangin 19,298 leh Philippines aṭangin 16,952 a ni.