Ṭhanna aṭangin nasa lehzualah

eSports khawvel hi a la naupang hle a, chuti chung chuan a ṭhang chak em em. Tun ai hian hma a sawn nasa zel dawnin a lang a, kum telin khawvel mipuiin an ngaihven tial tial a, eSports khawvela inhnim lut pawh an pung tial tial. Hei hian eSports chhunga sum chevel pawh a titam tial tial a, a hlawk tial tial a ni.

Newzoo-in eSports khawvel a zirchiannaah, kum 2017 khi chuan eSports industry hian USD mtd465 zet chu a lalut tawh niin a sawi a, chu chu nikum ai khan a let hnih leh a chanve zetin a tam zawk dawn tihna a ni a, a sum fai chuan USD194 zetin a pung tawh ang.

Newzoo hian a chhut uar duh lo zawk a, chhut uar se chuan hei ai hian a tam fe zawk ang. Amaherawhchu eSports hi a la naupan avangin harsatna neuh neuh a la nei a, hengte hi a chinfel theih chuan Newzoo chhut chhin hi a thleng pha ngei ngei dawn.

Mihring zawng pawhin eSports tuipuitu an tam tial tial. Newzoo-in a chhut dan chuan tuna eSports tuipuitu mi maktaduai 89 hi kum 2017-ah chuan maktaduai 145 an tling tawh ang a, chu chu Russian Federation-a mihring awm zawng zawng zat zet an ni tawh dawn a ni. Hei mai bakah hian tuipui ve tho, tui over la ni si lo mi maktaduai 190 vel an awm ngei bawkin a ring.

Hetiang hian ṭhan lam a pan zel dawn nia a lan laiin, tun dinhmunah erawh chuan sports dangte nena khaikhinin eSports-a mi pakhat sum lakluh a la tlem hle. Khawvel pumah sports fan tluklehdingawn 2.2 zet an awm a, heng fan-ho zawng zawngin sports an sum thawh chhuah hi chawhrualin kum khat USD56 a ni. Chutihlai chuan Esports-ah thung chuan mi pakhatin kum khat USD2.2 thawk chhuak ang chauh an la ni. Hei hi eSports pumpui revenue chhut tel loin a ni.