Billboard-ah Drake-a album
Billboard album chart sawi apianga Taylor Swift hming lam tel ziah ngai pawh a ninawm ve ta. Tunah chuan Taylor Swift aia hralh hnem album a awm ta nual. Drake-a album thar, If Your're Reading This It's Too Late chu Billboard album chart-ah pakhatna a rawn hauh.
Drake hian a hmain album a tihchhuah tur hi a sawilawk tam vak lo a, Zirtawpni kalta khan a rawn tichhuak thut a, a album, mixtape hi tunkar chhung khan copy 535,000 zet a hralh. Heng zinga copy 495,000 zet chu album pangngaia a hralh a ni a, a bakah hi album tlukpui aṭangin a ni. Tuna mi hi Drake-a album, Billboard album chart-a pakhatna hauh thei palina a ni. Kum 2010-a a tihchhuah Thank Me Later khan pakhatna a hauh a, kum 2011-a a tihchhuah Take Care chu pakhatna a rawn ni leh a, kum 2013-a mi Nothing Was the Same khan pakhatna a luah bawk.
R&B/hip-hop chhungah chuan kum 2013-a Beyonce album tihchhuah hnua hralh hnem leh ber a ni. Kum 2013-a Beyonce album kha kar khat chhungin copy 617,000 a hralh a, hemi hnua hralh hnem leh ber chu tuna Drake-a album thar hi a ni.
Billboard 200-ah hian pahnihnaah tunlaia film hit, Fifty Shades of Grey soundtrack a awm. He OST-ah hian zaithiam lar tak tak an zai hlawm a, chung zingah chuan Beyonce, Ellie Goulding leh The Weeknd te pawh an tel. Tunkar chhung khan copy 258,000 lai hralh a ni.
Sam Smith album In the Lonely Hour chu pathumnaah a awm a, kar khat chhungin unit 164,000 lai hralh a ni a, Ed Sheeran album X chu palina niin, copy 140,000 hralh a ni a, Taylor Swift album hit 1989 chu panganaah a awm. Tunkar chhungin album a chhuak ṭha hlawm hle.
Billboard 200
"If You're Reading This It's Too Late" - Drake (535,000)
The "Fifty Shades of Grey" Soundtrack - Various Artists (258,000)
"In the Lonely Hour" - Sam Smith (164,000)
"X" - Ed Sheeran (140,000)
"1989" - Taylor Swift (125,000)
"Title" - Meghan Trainor (72,000)
The "Now 53" Compilation - Various Artists (72,000)
"Morning Phase" - Beck (87,000)
The "2015 Grammy Nominees" Album - Various Artists (65,000)
"V" - Maroon 5 (63,000)