MSL Dance Battle

Vikings chak zanah Serpents crew Monadicos an chak

MSL Dance Battle-ah mipa aiin hmeichhia an che ṭha zawk tlat. Vikings chak zanah Serpents crew Monadicos an chak a, hmeichhe hlang an ni a, Vikings crew Diamond Shark-in dance battle-ah an tluk lo. Monadicos hian Rs. 1000 an dawng a, a chak lo zawk Diamond Shark hian Rs. 500 an dawng phawt. A bul ṭanna a ni a, MSL khelh chhunga an performance ṭhat dan azirin a tawpah Best Dance Crew thlan an la ni dawn. A chak lo zawk tan pawh chance a la tam a, Best Dance Crew ni thei turin hun an la ngah. Inbuatsaihna ṭha, choreography ṭha a pawimawh tial tial ang.
Monadicos hian feminine move an hmang a, hei hian judge-te mit mai bakah entute mit a la zawk a, intihsiak hmasa berah an che ṭha zawk. Hmeichhia an nih avanga hmuhnawm a ni satliah ringawt lo a, an thiam tel a, mahse hmasawnna tur erawh an la ngah. Nizan ang zela an perform a nih chuan Best Dance Crew hi an la lo thei mai thei. Mahse crew dang kan la hmu lo a, sawi lawk thiam erawh a har. Chutihrual chuan crew dangah hian experience nei ṭha tawh tak tak, hman aṭanga lo in-form tawh leh battle danga lo tel tawh an awm nual hlawm avangin inelna boruak zawng chuan crew la lâm leh turte hi an khirh ṭalh ang.
Diamond Sharks an che ṭha tawk lo a, inbuatsaih leh zel a la ngai a, hma an sawn zel turah ngai ang. Monadicos laka an hloh avang hian ṭan an la nasa zual sawt ngei dawn a, an lâm leh hun tur hmuh leh a chakawm viau tawh a, engtiang taka nasain nge hma an sawn ang tih hi hmuh a châkawm viau tawh a ni.
Basketball hi au dur dur tam theihna game a nih avangin en a nuam a, chutihrual chuan Dance Battle hian hiptu a ngah viau bawk. A ṭum khatna a ni a, a ropui chho tial tial dawn a ang.