Pamela-in a fate a chhuahtir!

Baywatch star Pamela Anderson chuan Los Angeles-a an in aṭangin a fahrawnte a chhuahtir niin media lam chuan an tarlang. A dik chiah em tih erawh a la hriat loh a, amah Pamela hian engmah a la sawi chhuak rih lo.

Pamela hian kar kalta khan a pasal, Rick Salomon nena an inṭhenna thu a vawi thum nan a thehlut leh. Inṭhenna thu a thehluhah hian a pasal, Salomon-a fa hmasa, hmeichhe pahnih - kum 18 mi Hunter leh kum 16 mi Tyson te chu an chenna tur ruahmansak turin a phut bawk. Pamela pawh hian a pasal hmasa, Tommy Lee nen fapa pahnih - kum 18 mi Brandon leh kum 16 mi Dylan te a nei.

Pamela hi a nasa viau a ni ang, inṭhen thu a thehluh hnu lawk hian Rick Salomon-a ui, Rottweiler, a hming Bumblebee chu a pêt deuh ṭhuai ṭhuai bawk ṭhin a ni awm e. Rick nen hian October 2007 aṭang khan an innei a, tun hi vawi thum an inṭhenna a ni ta!