'House of the Dragon' Season two finale a leak
HBO series, 'House of the Dragon' season 2 finale chu social media lamah a leak a, he series hi ṭum hnih a leak-na a ni.
August 4-a tih chhuah tur, House of the Dragon' season finale clips tam tak hi Thawhlehni zan khan TikTok account pakhatah dah a ni a, paih tir a nih hma hian view nuai chuang a nei hman. TikTok aṭang hian paih tir ni mah se, a copy hi platform dang, X leh Reddit-ah a darh hman a ni. Nikuma season one finale tih chhuah a nih hma lawk khan online lamah a lo darh tawh bawk. HBO chuan leak chungchangah hian sawi engmah a la nei lo a, a ti darhtu pawh hi hriat a la ni lo nia sawi a ni.