MSL Dance Battle-ah Lay Up leh Emerge

Hmeichhe hlang Monadicos te an chak hnuah hmeichhe hlang bawk Lay Up an chak leh. MSL Dance Battle a hmuhnawm chho zel a, an inbuatsaihna pawh a ṭha tial tial. Zirtawp tlai leh zana Dance Battle a hmuhnawm ve ve hle.

Zirtawpni tlai dar 4 khan MSL-a match hmasa zawkah Tuikual South BC leh Khatla TBL te an intum a, Tuikual South BC aṭangin BGMX crew an rawn lang a, TBL aṭangin Lay Up crew an rawn lang bawk. Tuikual South tan an home a nih ṭum a ni a, TBL tan away an khelh ṭhum a ni. Away ni mah se TBL an ropui zawk a, game-ah leh dance-ah an chak zawk. Zanah Zarkawt BCA leh Chaltlang Ryders te an inhmachhawn a, Zarkawt team crew hi Emerge an ni a, Ryders aṭangin Crazy Bee an ni thung. A hma ang loin, he inkhelah hi chuan home team, Zarkawt BCA an chak a, dance battle-ah pawh BCA crew, Crazy Bee an chungnung zawk. Emerge crew-ah hian mipa pathum leh hmeichhe pakhat an awm.

Battle hmasa zawka chak Lay Up te hi MSL bik atan liau liaua indin thar an ni a, mahse a member-te hi anmahni tawk ṭheuha lâm thiam leh tawnhriat ngah tak nei an ni. An tumpui BGMX hi a hmaa lo ding tawh sa, lo lâmho fo tawh ṭhin an ni. An team work chu ṭha viau mah se performance leh choreography lamah Lay Up te hi an hneh ta lo. Team spirit ṭha tak nena an ron beih chhoh zel chuan chance ṭha tak nei an ni. Choreography-ah hian steps ringawt piah lamah tricks dangdai leh hmuhnawm tak an rawn telh ṭhin.

Battle hnu­hnung zawkah Emerge leh Crazy Bee te lâm a hmuhnawm hle. Emerge te hi a hmaa lo din tawh niin, battle leh competition dangah te pawh an lo perform nual toh. Crazy Bee erawh la thar lam tak an ni a, MSL atana indin chawp an ni. Emerge te hi an step-te har dangdai viau ni lo mah se, an rual ṭhain an execution leh expression te a ṭha hla. A karlaka an trick te pawh khaihlak loin an ti dik thlap a, crew lehlam Crazy Bee te hi choreo nei ṭha tak ve tho te hi an hneh ta a ni.

Hetih rual hian cheer leaders te poh an ron che ṭan a, a hmuhnawm hle. Match 3 awm tawhah, Zarkawt BCA Cheer leaders te hi show nei thei hmasa ber an ni. Club dang aṭang te pawn cheerleaders te hi hmu chho zel turah inbeisei ang. Tunkar hian Ningani leh Zirtawpni tlai leh zanah te hian dance battle a awm leh dawn a. Hetah hian MSL dance crew 12 te aṭanga la lâm lo crew 6 te an intihsiak ve thung dawn.