Kid Rock Tour ṭha mi

Michigan chhuak Kid Rock chuan tun nipui hian tour a nei dawn a, amah a zaithiam em avangin tour hian ngaih­hlut a hlawh leh ngei dawn a, chu zawng aia mite ngaihven chu a tic­ket inkaihhnawih hi a ni.

Kid Rock hian kum 2013 khan Best Night Ever Tour a nei a, hetah hian, khawi hmunah pawh concert se, ticket man hi USD20 chauh a ni a, hetiang bawk hian kumin nipuia a concert tour ticket man pawh a chhiar leh dawn.

Tour hi June 24 aṭang hian a ṭan ang a, North America bik chauh a tuam rih ang. Connecticut-a Hartford khuaa XFinity Theatre aṭangin bul a ṭan dawn a ni. September 5 thleng a tour hian a awh ang a, tour hi Washington state-a Auburn khuaa White River Amphitheater-ah a tawp ang.

Tour-ah hian ticket man hrim hrim hi USD 20 chauh zel a ni ang a, a concert dawna beer an zawrh chhuah tur pawh USD 4 chauh zel a ni ang. Rock band Foreigner chuan a tour hi an zui ang.