Vanilla Ice-an thil a ru!?

Rapper hlawhtling ṭhin a ni a, a hlawhtling ta chiah lo a ni ang, media-a a chanchin kan hmuh dan a tuihnai lem lo. Vanilla Ice chu tunhnai khan thil chi hrang hrang rua puhin man a ni.

Nilaini khan Vanilla hi Florida-a Lan­tana-ah man a ni a, mi in rawk leh phalna la loa bungrua hawn ringawta puh a ni.

Vanilla Ice hian The Vanilla Ice Project atan in pakhat chu a chei ṭha a, he ina bungraw ṭhenkhat a ru emaw a hawn zui emaw a ni ngei ang, bungraw ruk chungchangah man a ni. A thil ruk zinga ṭhenkhat chu pool tihlumna leh thirsakawr te a ni.

Vanilla Ice hi a hming tak chu Robert Matthew Van Winkle a ni. Lantana Police Dept chuan thil ruk chungchangah hian Vanilla Ice hi a fihlim lo ngei nia a lan thu an sawi a, a ruk nia an sawite hi an in an dapnaah an hmu ngei tih an sawi.