Kobe Bryant hmingchawiin kawtthler hming phuah tum

Mel thum laia thui Los Angeles-a Figueroa Street chu Basketball legend fam ta Kobe Bryant hmingchawia thlak tum a nih thu Thawhṭanni khan L.A. City Council president Herb J. Wesson Jr chuan a sawi.

Figueroa Street hi NBA-a Lakers team home court, Staples Center bul lawka awm a ni a, he kawtthler hi 'Kobe Bryant Boulevard' tia thlak tum a ni. Kobe Bryant hi a dam lai khan Lakers-ah hian a khel ṭhin a ni. 

Herb J. Wesson Jr chuan basketball-a Kobe hming­thanna chu ropui a tih thu sawiin, Kobe hmingchawia kawtthler hming pek chu Kobe hian a phu hle a ni, a ti. Kobe Bryant hi kumin January 26, Pathianni zan dar 11:15 (IST) vel khan helicopter chesual avangin a thi. A chetsualnaah hian Bryant-a fanu Gianna (Gigi) leh midang pasarih telin nunna an chan vek. Byrant hian a nupui Vanessa baka a fanu dang pathum Natalia, Bianca leh Capri te a kalsan a ni. Pa­thian­ni, August 23 kha a Kobe pianchham a ni nghe nghe a, a kum 42-na a chiah a ni.