Kolkata Mizo zirlaite an ding
A video an uluk a, a zaia te an thiam bawk a, Kolkata Mizo Student hla, Kan Ding (Zoram Tan) tih chu Dafodils Ṭhazualah a rawn ding chhuak ta.
Kolkata Mizo Student hla, Kan Ding (Zoram Tan) tih hi nikum December 15 aṭang khan Dafodils Ṭhazual 10-ah a lang ṭan a, 10-naah bul a ṭan. Chumi hnu, December 29 khan pakuanaah a lut chho a, January 2015 a nih meuh kha chuan pangana a kai chho tawh a ni. Ṭhazual hmasaah khan pahnihna a ni a, tunah chuan pakhatna a rawn hauh ta a ni.
A hmaa pahnihna, DJ Lalvenhimi chu palinaah daih a chhuk thla a, J. Lalremruati a rawn invawrh sang chak hle. Parukna aṭangin pahnihnaah a rawn kai chho dawrh a, hetianga a kal chak a nih chuan pakhatnaah a awm thuai ang. A hmaa palina Christy & Hriatrenga te hla, Muanna nge hmangaihna tih chu pathumnaah a rawn kai chho ta bawk.
Top 10 aṭangin H. Vanlalngura a chhuak a, Lawmi Khiangte a rawn lut thar thung. Lawmi Khiangte hi a hma pawha pakhatna lo hau tawh ṭhin a ni a, Mizo Idol aṭanga rawn invawrh chhuak a ni a, a thleng sang thei hle. A vawi khat rawn lannaah pakuana a rawn hauh nghal.
Dafodils Ṭhazual Lengzem
1 Kolkata Mizo Student - Kan ding (Zoram tan)
2 J. Lalremruati - Inhrilh dun ang
3 Christy & Hriatrenga - Muanna nge hmangaihna
4 DJ Lalvenhimi - Khua tuah loh di
5 Essy - In chhuang mai lo la
6 Christy - Chhingkhual
7 Thangromawia - Phuloh lung di
8 Samuela Chhante - Rinawmin
9 Lawmi Khiangte - Mangṭha
10 Henry Lalmalsawma Renthlei - Dam takin mangṭha