Kanye West-an Swift a thurualpui

MTV VMA-ah hian Taylor Swift award dawng lai chu tibuaiin, a dawn tur chu âwm lo a tih thu a sawi a, Beyonce-in dawng zawk se, a awm daih zawk a ti a nih kha. Tunah chuan dawng âwm zingah a ngai mai pawh a ni tawh lo, Kanye West hian zaipui a duh tawh zawk.

West hian Ryan Seacrest hnenah, "Studio-a luh a duh a, kan lut dun dawn a nih hmel. Engtiang pawha thlir a, fan base aṭanga ngaihtuah pawhin studio-ah hian kan lut ang. Ka thliar hrang em em lo a, inthliarna hi ka duh lo a, Grammy eng zat nge an dawn tih emaw, an album rating hmuh hnem leh hnem lohah tumah ka thliar lo," a ti.

Mi tin hian music chi hrang hrang duh an nei vek tih a sawi a, chuvang chuan eng mi pawh nise, studio-ah emaw thurawn a pek theih a, a tihchak a, a ṭanpui theih chuan a duh tawk tih West hian a sawi bawk.