Eagles-in cellphone an khap

Pathianni zan khan Eagles chuan Australia-a Melbourne khawpuiah concert an nei a, an concert-ah hian an duh khirh hle mai. Entute chu concert laia cellphone hmang lo turin an hrilh a, cellphone hmang an awm phawt chuan concert-na hmun aṭangin an chhuahtir nghal ang tih an puang.

Eagles hian Rod Laver Arena-ah concert an nei a, concert an neihna hmunah hian cellphone hman khap a nih thu hi uar takin an tarlang a, poster an tar nasa hle. Poster-ah te hian an concert laia phone video-a lo la leh, thla lo lak an khap thu an tarlang a, hei mai bakah text message thawn chhuah pawh an khap tih an tarlang bawk.

Henley chuan a hma­in concert-na hmuna cellphone lo lek ve sek an duh loh thu a lo sawi tawh a ni. "Miin kan concert lai chu mimal photo session-a an lo chantir ve ringawt hi kan duh lo a ni. Emergency thil a nih loh chuan text message thawn chhuah pawh kan duh lo. Kan concert lai phone video camera-a lo lak hi copyright dan bawhchhiatna a ni," a ti.