Kanye West a lo inngai ropui!

Oscar show-ah khan John leh Common te chuan Selma film-a hla, Glory hmangin Original Song award an dawng a, he hla hi an sa dun nghal bawk. Hemi chungchangah hian Kanye West a lo inngai ropui hle a, hetianga award an dawn theihna chhanah hian ama hming chu lam tel ve ngei a phu hlea a inhriat thu a sawi.

Kanye West chuan heng zaithiam pahnihten Academy Awards-a Best Original Song an dawn theihna hi ama puihna leh ṭanpuina vang nia a ngaih thu a sawi! Yeezus chuan award chu ama dawn tur ang hialah a ngai a ni.

Yeezus hian John Legend leh Common ten talent hi amah avanga pung leh, an zaithiamna hi amah avanga hmasawn nia a ngaih thu a sawi a, tun dinhmun thleng tur hian a hma aṭangin nasa takin a pui ṭhin niin a sawi bawk. Tuna award an dawn tak mai theihna chhan chu hmana a hnuaia an zir ṭhin vang liau liau a ni, a ti!