LG-in phone man tlawm tichhuak dawn

Phone ṭha si, man tlawm si siam chhuah lamah firm lian an inel leh ṭan a nih hmel. LG chuan smartphone man tlawm, ṭha si a tichhuak ve leh dawn hnai.

Mobile World Congress 2015-ah LG hian an phone thar hi an phochhuak dawn a, he congress hi March 2-5 chhung hian Barcelona-ah neih a ni ang. He congress-a LG-in a phochhuah tur hi LG Magna, LG Spirit, LG Leon leh LG Joy te an ni.

A spec kimchang engmah tarlan a la ni lo a, a man a tlawm dawn tih erawh an sawi lawk a ni. Brazil aṭangin an zuar chhuak hmasa phawt ang a, chumi hnuah khawvel hmun dangah an zuar chhuak leh ang.