Wayanad leimin tuarte tan Tamil actor-ten sum theh chhuak

Kerala-a Wayanad district-a leimin rapthlak tak thleng vanga thi leh, harsatna tawkte ṭanpuina turin Tamil actor-ten ṭanpuina sum an theh chhuak.

Rashmika Mandanna chuan Kerala Chief Minister's Disaster Relief Fund (CMDRF)-ah leimin tuarte ṭanpuina tur hian Rs nuai 10 a pe a, Tamil superstar Vikram chuan Rs nuai 20 a pe bawk. Hemi hma hian Tamil actor dang - Suriya, Karthi leh Jyothika te chuan Rs nuai 50 an lo pe tawh bawk a ni. Ruah sur nasa tak avangin Wayanad district-a Mundakkai, Chooralmala, Attamala leh Noopuzha hmunah Thawhlehni zing khan leimin rapthlak tak hi thlengin, nimin thleng khan khan ruang hmuh tawh hi 300 dawn an tling tawh. Thi zingah hian naupang leh hmeichhia eng emaw zat an tel a, hliam tuar tam tak an awm bawk.