Britney Spears biopic siam dawn

Pop icon Britney Spears chanchin chu big-screen lama en theih tura siam a ni dawn a, hei hi amah ngeiin a puang a ni.

Spears hian X-ah producer Marc Platt nen 'secret project' an nei mek tih a sawi a, a hnu lawkah Universal Pictures chuan rawn nemnghetin, Spears-in a chanchin a ziahna bu, 'The Woman in Me' chu film-a siam turin rights an nei ta tih a tarlang. 'Wicked' director, Jon M.Chu chuan biopic hi a direct dawn nia sawi a ni a, he film-ah hian Britney Spears a rawn lar ṭantirh aṭanga conservatorship chungchangah buaina a neih dan te, personal relationship leh nu a nih hnu chanchinte tarlan a ni ang. Spears lehkhabu hi October 24, 2023 khan tlangzarh a ni a, bestseller a ni zui a ni. US-ah copy mtk 2.5 zet hralh a ni tawh. Audiobook version, actress Michelle Williams-in a chhiar chu 2023-a Spotify-a audiobook hralh chak ber a ni bawk.