Rom-com drama tharah Sanha leh Arin

ASTRO member Sanha, OH MY GIRL member Arin, bakah Yoo Jung Hoo leh Chuu te chu rom-com drama thara chang turin tihchian an ni ta.

“My Girlfriend Is a Tough Guy” (literal title)-a chang turte hi nimin khan puan a ni a, webtoon behchhana siam tur niin Yoon Jae-a chanchin thlur bing a ni ang. Sanha hian Park Yoon Jae lemah hian a chang dawn a ni. Kum 2015 khan a hmasa ber atan web drama “To Be Continued,”-ah a chang a, a hnuah “Soul Plate,” “Love Formula 11M,” “Your Playlist,” leh “Crazy Love.”-ahte chang chhoin, acting skill a neih ṭhatzia pawh a rawn pho lang tawh a ni. Arin hi drama eng emaw zatah a lo chang tawh bawk a, heng zingah hian “Alchemy of Souls,” “Alchemy of Souls: Light and Shadow,” leh “O’PENING 2023: Summer, Love Machine, Blues," te a tel. “My Girlfriend is a Tough Guy.”-ah hian changtunu a ni dawn a ni.