Kum 4 hnuah Shawn Mendes album thar

Shawn Mendes chuan album thar a siam tur thu hi sawiin, tun hi record a tih chhuah hnuhnun ber aṭanga kum li hnua a album siam leh hmasak ber tur leh, a album pangana tur a ni.

Kum 25 mi, "Treat You Better" singer hian a Instagram lamah album thar a nei dawn tih sawiin, hla thar mawi tak 12 a nei thute pawh a sawilang tel a ni. Amah duhsaktute chungah lawmthu sawiin, album thar a neih theihna tura puitu chauh ni lo, hun harsa tak tak paltlang tir theitu an ni tih a sawi a ni. A album thar hi 'Shawn' tih a ni dawn a, October 18-ah tihchhuah a ni ang. Album thar pual hian recording a tihna khawpui hrang hrang - Woodstock, New York; London, England; Nashville, Tennessee; Brooklyn, New York; Los Angeles, California; Seattle leh Washington-ah concert neih a tum. He album-a hla pahnih, "Why Why Why" leh "Isn't That Enough" chu August 8 hian a ti chhuak hmasa dawn tih a sawi bawk.