Wesley Snipes-a'n Guinness World Record pahnih a siam

"Deadpool & Wolverine"-ah Wesley Snipes chu rin loh deuhin Blade angin a rawn inlan leh a, hei hian fan-te a tihlawm bakah Guiness World Records pahnih a siam phah bawk.

Snipes hian Hugh Jackman (Wolverine) leh Patrick Stewart (Professor X) te khumin, live-action Marvel character chang rei ber record a siam. Kum 1998 aṭang khan 'Blade'-ah a chang ṭan a, kum 25 leh ni 240 hnuah, 'Deadpool & Wolverine' ah a character hi a la rawn chang chhunzawm leh a ni. Snipes hian Marvel character chang rei ber record siamtu, kum 25 chhung lo chang tawh Hugh Jackman record a rawn khum a ni. Marvel character chang rei ber a nih rual hian, Marvel film-a a character inlan kar inhlat ber a ni bawk a ni. "Deadpool & Wolverine"-a inlan hmaa Blade character a chan hnuhnung ber chu kum 2004-a chhuak, "Blade: Trinity" kha a ni.