Bafta-in children film award a siam tel dawn

British Academy Film Awards chuan children leh family film pual bik category a siam dawn a, kum 2025 aṭangin award hi sem a ni ang.

Bafta chuan he category hi genre eng pawh, U, PC leh 12A film chin tan hawn a ni dawn tih a sawi. Film ṭhenkhat chu category pahnih aia tamah nominate an ni thei dawn a, animated film zinga sum la lut tam ber ni ta 'Inside Out 2' pawh best animation-a nominate a nih rualin, best children's film-ah pawh nominate a ni thei dawn bawk a ni. Bafta hian children film award bakah TV category-ah pawh naupang film pual hian award a siam thuai rin a ni bawk.