MDM-in Audio House a hawng

Music Domain Mizoram chuan an member-te zai, MP3 format-a miin awlsam zawka an lei theih nan Inrinni khan MDM Audio House a hawng.

MDM Audio House bun a nih tur thu hi MDM Audio Cell Secretary C. Vanlalmalsawma chuan sawiin, Aizawl khaw chhung hmun pangaah hawn phawt a ni ang a, District khawpui dangah te pawh hawn chhoh zel tum a ni.

Zaithiam Mp3 theh≠lutte chauh hi MDM Audio House aṭang hian zawrh chhuah tur a ni dawn a, Mp3 dah ve lo/ Register-lo te chu a zuartu ten an lo hralh a nih pawn, Audio House hian a buaipuisak lo ang.

MDM Audio House aṭanga Mp3 hralh chhuak tam Chart hi siam a ni ang a, chu chu thla tin Chanchin bu leh TV lamah tar chhuah ṭhin a ni bawk ang. Dan ang loa zuar chhawngte chu sawr≠kar lam ten an chung≠ah action an la dawn a ni.

MDM hian Inrinni khan General Assembly vawi hnihna an hmang a, minister Lalsawta chu khualliana hman a ni. Internet-a Mizo Music Video upload loh zel an rel a, anmahni website - musicdomain≠mizoram.com aṭanga music video lei theih turin an siam bawk.