C. Sanga leh Daduhi Ṭhazual zingah an Ṭha ber

stAge ft Sangtei Khawlhring te a zawna pakhatnaa vawi li zet an awm hnuah C. Sanga leh Daduhi te music video 'A zual zel si' chuan a rawn luahlan a, pakhatna a rawn ni ve ta thung.

RTS Khatla Ṭhazual Lengzem chart-ah Mizo hmeichhe zaithiam awm tawhte zinga music hmanga sum lalut hnem berte zinga mi Daduhi leh tunlai lengzem huang chhunga kan neih ṭhat berte zinga mi C. Sanga te hla 'A zual zel si' chuan pakhatna a rawn luah.

Ṭhazual chart-ah hian May 16 aṭang khan 'A zual zel si' hla hi kan hmu ṭan a, pariatnaah a rawn lang. May 30-a chart tihchhuah lehah khan paruknaah kai chhoin, June 13 kha chuan pathumna a rawn thleng tawh a ni. He hla hi Daduhi'n a album-a a lo dah tawh kha a ni a, kuminah music video siamin, an rawn tuaithar leh a ni.

Pakhatnaah a zawna ṭum li zet a awm hnuah stAge leh Sangtei Khawlhring te sak 'Beiseina' chu pahnihnaah a chhuk thla ta. Lengzem huang chhungah chuan Lawmi Khiangte hla 'Kan hlimlai ni' leh 'Beiseina' hi kumin chhunga hlawhtling ber a la ni a, pakhatnaah a zawnin vawi li ve ve an awm thei a ni.

Feli Fanaiin hma a sawn chak hle a, vawi thum a lanna chauhah pathumnaah a rawn dak chhuak thei der mai. 'Ti ve mai la' hla hi a la hlawhtlin chhoh zel hmel a, pakuana aṭangin paruknaah a chho a, pathumnaah a rawn lang tawh a ni. Top 10-ah lang thar an awm lo a, a hmasaa miho vek an la lang.

RTS Khatla Ṭhazual Lengzem

1 C.Sanga & Daduhi -

A zual zel si

2 stAge ft Sangteii Khawlhring -

Beiseina

3 Feli Fanai -

Ti ve mai la

4 Manuna -

Ka lo tir tawh lawng

5 Josephine Lalawmpuii -

I lo ni reng si

6 Pensy B Lalthangliani -

Chelh ding rawh

7 Lawmkimi Chawnghlut -

Lenglerh

8 Zothan -

Sam ang ka ṭhen ta e

9 F Zomuanpuia -

Min hnem la

10 Janet -

Ka hmangaih che