Drake-a thlen chin a sang zel

Hip-hop artist thleng sang pali thlan chhuah ni ta se, Drake hi a tel ve thei chiang ta. Hip-hop album zinga Billboard 200-a a zawna vawi riat pakhatna ni thei pali zingah Drake-a album 'Views' hi a awm ve ta.

Drake album hi kar liam ta chhung khan copy 124,000 zet hralh belh leh a ni a, heng zinga copy 33,000 chu album pang≠ngai a ni a, a bak hi album tlukpui a ni. Album tlukpui zinga album 70,000 hralh anga an chhiarna hi streaming-ah bawk a ni. Drake hian internet streaming a hlawkpui ber mai. Streaming-ah album tlukpui 70,000 a nei thei a, hemi awmzia chu kar liam ta chhung khan vawi maktaduai 105.1 an stream tihna a ni.

Hei bakah hian, kum 2013-a Frozen soundtrack hnua Billboard album chart-a pakhatna hauh ngun ber a ni a, Frozen OST khan pakhatna
ṭum riat bawk a luah thei. Hip-hop album zingah a zawna pakhatna vawi riat ni thei pali zingah a tel ta. Hip-hop album, a zawna pakhatna hauh theite chu Eminem-a album The Marshall Mathers LP te, Vanilla Ice album To The Extreme leh MC Hammer album, Please Hammer, Don't Hurt 'Em te a ni.

Red Hot Chili Peppers an rawn hlawhtling a, an album The Getaway chu pahnihnaah awmin, kar liam ta chhung khan copy 118,000 an hralh. Red Hot Chili Peppers tan The Getaway album hi Billboard album chart top 10-a lang thei an album pasarihna a ni.

Billboard album chart

"Views" - Drake (124,000)

"The Getaway" - Red Hot Chili Peppers (118,000)

"Lemonade" - Beyonce Knowles (49,000)

The "Hamilton" Soundtrack - Various Artists (49,000)

"A Moon Shaped Pool" - Radiohead (48,000)

"Still Brazy" - YG (38,000)

"Anti" - Rihanna (37,000)

"Blurryface" - Twenty One Pilots (37,000)

"Johannesburg" - Mumford & Sons (36,000)

"Thank You" - Meghan Trainor (34,000)