Independence Day-in Finding Dory a ngam lo

Will Smith-a channa Indepen≠dence Day hlawhtling em em mai kha a chhunzawmna tlai khaw≠hnuah siam thar leh a ni a, kar liam ta khan tlangzarh a ni. Mahse Independence Day: Resurgence hi a siamna budget tam hle mah se, Finding Dory erawh a ngam lo.

A vawi hnih nan Finding Dory chu box office-ah pakhatna a ni leh a, kar tawp chhung khan USD mtd 73.2 zet a la lut leh a, hengte nen hian North America bikah chauh USD mtd 135.1 a thawk chhuak tawh a ni.

Independence Day: Resurgence hian North America-ah kar tawp ni thum chhung khan USD mtd 41.6 zet a thawk chhuak thei. He movie siam nan hian USD mtd 165 zet hman a ni a, beisei aiin a ropui lo. A chhuak hmasa kha kum 1996-a tihchhuah a ni a, kha khan opening week-ah USD mtd 50 a lalut a, kha pawh kha a pha lo a ni.

Amaherawhchu US pawn lamah erawh Independence Day: Resurgence hi a hlawhtling a, ram 57-ah chhuah a ni a, heng aṭang hian USD mtd 102.1 lai a hmu tling. China-ah a hlawhtling a, China-ah ringawt hian kar tawp chhung khan USD mtd 37.3 a thawk chhuak thei. S Korea-ah USD mtd 7.4, UK-ah USD mtd 7.3, Mexico-ah USD mtd 6.8 leh Taiwan-ah USD mtd 3.7 te a lalut a, heng ramte hi a hlawhtlinna a ni.

Box office movie

"Finding Dory" - $mtd 73.2

"Independence Day: Resurgence" - $mtd 41.6

"Central Intelligence" - $mtd 18.4

"The Shallows" - $mtd 16.7

"Free State of Jones" - $mtd 7.8

"The Conjuring 2" - $mtd 7.7

"Now You See Me 2" - $mtd 5.6

"X-Men: Apocalypse" - $mtd 2.5

"Teenage Mutant Ninja Turtles: Out of the Shadows" - $mtd 2.4

"Alice Through the Looking Glass" - $mtd 2.1