Zaninah Imfact an che dawn

Mizorama K-Pop zai≠thiamten concert pang≠ngai an neih hmasak ber tur chu zanin hi a ni tawh. K-Pop Contest, North East Region neih tura judge tur Imfact chuan zanin dar 6 hian R. Dengṭhuama Hall, Mualpuiah concert an nei tawh dawn. Ticket man hi Rs. 500 a ni a, concert
ṭan hmain Mualpui Zero Point-ah zawrh a ni ang.

Concert-a kal turte tan ruihtheih thil leh zu mai bakah lighter leh meizial te ken luh phal a ni dawn lo a, hei bakah hian hriam≠hrei ken luh khap tlat a ni. Man an awm a nih chuan an chungah action na taka lak a ni ang. Concert nei tur hian gate hi tlai dar 3 aṭanga dar 5 thleng hawn a ni dawn a, chaw ei hun nen a innan chin deuh avangin ril-
ṭamte ten a hmunah inthun puarna tur siam a ni ang. Concert hall chhung≠ah hian ṭhutna tur dah a ni dawn lo a, concert goer-ten ding chunga an en a ngai dawn a ni.

Opening act hi Mizote kutah dah a nih angin, Michael M Sailo leh Zorinzuali Khiangte an zai dun ang a, chu bakah chuan nikum K-Pop Contest India-a pakhatna, India aiawha Korea-a kal, Frozen Crew te an che bawk ang.

Imfact hi K-Pop boy band hlawhtling chho mek an ni a, Star Empire Entertainment hnuaiah kumin January thla a din chauh an ni. Janua≠ry ni 27 khan an mini album ìLollipopî chu an release a, Korean Charts ah no. 3 a hauh pha hial. Official-a an indin hma hian nikuma K-Pop Contest Final Round New Delhi-a neihah khan an rawn perform a, mipui lawm an hlawh hle.