Chart-ah Drake-a 'One Dance' a ropui

A album 'View' chauh a ropui lo a, a hla 'One Dance' pawh a ropui tho. Canadian rapper Drake hlawhtlinna hmun a zau zel a, album chart-ah chauh ni loin single chart-ah pawh a ropui zel a ni.

Drake-a hla 'One Dance' hi Billboard Hot 100-ah pakhatnaah a awm leh a, a zawna hapta sarih chhung pakhatna a luahna a ni ta. Drake a ropui lai hian Rihanna pawhin ropuina ram a pan mek zel a, a hla thar, Calvin Harris nena an sak chu top 5-ah a lang a, record a rawn siam a ni.

Rihanna hi tuna Harris nena an hla 'This is what you came for' hla hmang hian chart history-a top 5-a hla nei hnem ber pangana a ni ta a, Elvis Presley-a nihna a rawn nihrual chiah a ni. Rihanna hian top 5-a lang thei hla 21-a a nei ta a, a hmaa awmte chu Janet Jackson, Mariah Carey, Madonna leh The Beatles te an ni. The Beatles hian Top 5-a lang thei hla an ngah ber a, hla 29 zet an nei.