Lady Gaga Chinese fan-te an lawm lo

Pathianni khan Indianapolis-ah US Conference of Mayors neih a ni a, hetah hian Lady Gaga pawhin Orlando-a inthahna chungchangte a sawi chhuak. Hemi hnu hian backstage-ah Tibetan hruaitu, Buddhist hruaitu ni bawk, Dalai Lama a hmu a, thla a lakpui nghe nghe. He a thlalak hi internet-ah dah chhuah a ni a, Chinese miten an sawisel nasa.

Tibet hi China chuan a awp a, a awp avang hian Dalai Lama chu India-ah a tlanchhia a ni. India-a a tlanchhiat hnu hian Tibetan raltlan sorkar a din a, China chuan a ngaimawh hle. Heng thilte avang hian China-ah chuan Tibet lam sawi chhuah hrim hrim pawh hi thil pawi tak thleng thei a ni. Lady Gaga-i'n Dalai Lama thla a lakpui pawh hi Chinese, amah ngaisangtute chuan sawisel nghalin, amah ngaisangtu Chinese mite a ngaihtuah miah lo a ni an ti.