Actor lar ṭhin Bud Spencer a thi

'They Call Me Trinity' film hre pha tawh lo tam tak awm mah ila, he film hre pha chuan a hunlaia an titi a luah nasatzia an la sawi thei ang. He film-a changtu pakhat Bud Spencer chu kum 86 mi niin Thawh-ṭanni khan a thi.

Bud Spencer tia kan sawi ṭhin hi Ita≠lian a ni a, a hming dik tak chu Carlo Pedersoli a ni. A thih chhan hi chiang taka tarlan a ni lo a, 'Thlamuang takin a kal' tia sawi a ni a, Mizo ṭawng chuan awmlaiin a thi kan ti thei ang.

Kum 1970 aṭanga 1980 chho thleng khan action leh co≠medy film chi hrang hrangah a chang. Acting lamah chauh ni loin sports lamah pawh a turu hle ṭhin. Tui inhleuhsiakah, metre 100-a thui, minute khat chhunga Italian mi zinga hleuh chhuak thei hmasa ber a ni a, Olympic Games-ah pawh vawi hnih ngawt a lo tel tawh a ni.