China-in Gaga music a khap

Lady Gaga-i'n Dalai Lama thla a lakpui avang≠in China chuan Lady Gaga music hralh chhuah leh tihdarh emaw, upload emaw thlengin a khapsak hmak mai.

Pathianni kalta khan Lady Gaga hi Indianapolis-a US Conference of Mayors-ah kalin hetah hian Tibet hruaitu, raltlan mek Dalai Lama nen thla an la dun a ni. An thlalak hi tihchhuah a nih hnuah Chinese fan-te chuan an sawisel nasa hle.

China-a Communist Party chuan Lady Gaga chu Dalai Lama nena an thlalak dun avang hian China-ah chuan a music hralh chhuah leh tihdarh a khap nghal vek nia tarlan a ni. Hong Kong-a democracy lam ‚wntu chanchinbu, Apple Daily chuan he thu hi tarlangin, China mainland-ah chuan Lady Gaga thil leh a kaihhnawih hrim hrim chu an khap vek niin a sawi.

Hei mai bakah hian Chinese website leh media pawl hrang hrangte chu Lady Gaga hlate upload lo tur leh tidarh lo turin an hrilh bawk.