Sawmtea 'Thlamuanna' zaninah

Lelte Award 2016 - Gospel Artist of the Year lawmman dawng thei, Sawmtea chuan a pianchampha phak lawm nana music video a siam, 'Thlamuanna' tih chu a peihfel tawh a, MDM Library-ah pawh dah tawhin, zanin aṭang hian Zonet lamah pek chhuah a ni ang.

'Thlamuanna' tih hla hi Krista Thuhretute phuah a ni a, pop music nen mawi taka siam a ni. A music video pawh cool si, en hahdam, hmuhnawm tak sia a ni. He music video hi Lelte Award a dawn hnua a siam hmasa ber a ni a, June 7 kha a birthday niin, hemi nia tihchhuah tum hi a ni. Amaherawhchu duhthu a sam lo deuh a, a siam ṭha leh vek a, a duh aiin a peih tlai ta deuh a ni.

Sawmtea hian kuminah music video pakhat chauh a la tichhuak a, chu chu 'A pe' tih hla kha a ni a, tuna mi hi a music video pahnihna tur.