John Lennon thisen kaina kawr an hralh

John Lennon an kahhlum ṭuma amah buaipuitu kawr, John Lennon-a thisen kaina chu lilam a ni a, USD 40,000-a hralh a ni.

He kawr neitu hi Jay Hastings a ni a, uniform a ni. Hastings hi John Lennon-a an kahhlumna, New York-a The Dakota building-a thawk a ni. Kum 1980 Dec 8 khan Hastings hi a duty a, hemi ni hian Mark Chapman chuan John Lennon hi a kaphlum a ni. John Lennon an kahhlum hi Hastings hian a form hak laiin a khuh a, Lennon-a thisen hi a kai ta a ni.

Hastings hian he kawr hi a dah ṭha reng a, mahse tunhnai deuh aṭang khan hralh chhuah a duh ta a, lilam tura ruahman a ni a, USD 10,000 vel a hmuh chhuah theih an ring a, mahse beisei ai takin an hmu chhuak ṭha ta zawk a ni.