Favorite New Music-ah Smashing Pumpkins ‘Aghori Mori Mei’

Billboard music all genre poll-ah fan-ten kar liam ta chhunga music chhuak thar zingah an duh bera an thlan chu Smashing Pumpkins album thar, 'Aghori Mhori Mei' a ni.

American alternative rock band hian an studio album 13-na hian vote tla aṭangin 70% zet a hui thei a, hma a hruai fal hle a ni. Charli xcx feat Billie Eilish 'Guess' chuan 10% hmuin a dawt a, Kacy Musgrave 'Deeper Into the Well', Justin Quiles 'Permanente' leh Jack White 'No Name' te an lang ve bawk. Hla 10 awmna, ‘Aghori Mori Mei’ hi Smashing Pumpkins hian nikuma an tih chhuah, three-act rock opera 'ATUM' an chhunzawmna a ni.