Ryan Gosling-a'n a fate Hollywood boruak aṭanga thiarfihlim duh

'Barbie' actor, Ryan Gosling chuan South-West London lamah an chhungkaw chenna tur in lei tur a zawng mek nia sawi a ni.

Khawthlang lam media-ten an tarlan danin, Gosling (43) leh a kawppui, Eva Mendes(50)-te chuan an fate pahnih, Esmeralda (9) leh Amada (7) te chu Hollywood boruak aṭanga thiarfihlim an duh a, UK lamah awmpui an duh a ni. USD mtd 10 man vel an zawng mek niin an tarlang. 'Deadpool & Wolverine' star Ryan Reynolds leh a nupui Blake Lively te pawhin nikum khan Richmond-ah USD mtd 4 man in an lo lei tawh bawk. South-West London-ah hian celebrity dang pawhin in an lei tawh hlawm a, Brad Pitt, Angelina Jolie, leh Jason Sudeikis te pawh hun eng emaw chen an lo khawsa tawh a ni. Gosling leh Mendes hi Inrinni liam ta khan Bercy Stadium, Paris-ah 2024 Olympics neih meka women's gymanstic uneven bars final an en hmuh an ni.