FIFTY FIFTY-in fan club hming thar puang

Korean girl group, FIFTY FIFTY chuan an fan club hming thar puangin, logo thar pawh an tlangzarh nghal bawk.

FIFTY FIFTY fan club hi HUNNIES tih an ni ṭhin a, mahse a hming thar phuahin, nimin khan girl group hian an fan club official name atan TWENY tih a nih thu an puang. A hming thar an thlanna chhan pawh an sawi lang nghal a, 'Number 50 hi darthlalanga en chuan 20 angin a lang a ni. He hming thar hi FIFTY FIFTY in fan-te awmna lam an ngaihven reng leh, fan lam pawhin FIFTY FIFTY te an ngaihven reng zia a lantir a ni," an ti. An group leh fan-te chu eng hunah pawh awmdun leh inhmatawn reng an ni tih lantirna a ni tih an sawi bawk. Fan-ten englai pawha an thlawp reng avangin lawmthu an sawi nghal bawk a ni.