Taylor Swift-in vantlang school tan pawisa a thawh

New York tana palaia an ruat, Taylor Swift chuan New York khawpui tana thil ṭha a ti leh tlat. Tunhnai khan New York Public School-te tan USD 50,000 zet a thawh. Swift hian tunhnai khan New York pual hian Welcome to New York hla, single-in a tichhuak a, he a hla hralhna aṭang hian USD 50,000 hi vantlang sikul ṭanpui nan hian a pe a ni. Nikum October thlaa The View-a a inlan ṭum khan Swift hian a hla hralhna aṭanga hlawkna a hmuhte a donate ang tih a lo sawi tawh a ni.

Taylor Swift hi khawvela chanchinbu lar leh darhzau, ELLE chanchinbu chuan Style Award a hlan bawk. Swift chanchin dangah, hman zan khan Mark Ronson-a room-a an party laiin police-in an party hi an rawn ṭhawng a, an tihtawpsak. Hemi ṭum hian Swift leh Ed Sheeran te bathroom chhungah an biru!