Katy Perry leh Orlando Bloom-te'n Fanu thar an nei

Goodwill Ambassador an nihna United Nations Children's Fund (UNICEF) chuan Nilaini khan Orlando Bloom-te fanu thar neih chungchang hi social media-ah thuchhuah siamin an tarlang. Katy leh Orlando-te pawh hian an hlim hle tih thuchhuah inṭawm siam ve nghal bawkin fanu thar him taka an nei chu nuam an tih thu an tarlang ve bawk.

"Keini anga mi zawng zawngin ralmuang takin fa an nei lo tih erawh kan hria a, kan vannei hle tih pawh kan hria. Covid-19 vangin nau piang tam tak dinhmun hlauhawm takah an ding tih ka hria a, sahbawn leh tui a tam loh avang leh Covid-19 damdawi hmuh chhuah a la nih loh avangin naute tam tak nunna chu a derthawng a ni. Nu leh pa kan nih tak angin hei hian kan rilru a tihrehawm hle.

"UNICEF  Goodwill Ambassador kan nih angin, UNICEF a awm tih kan hria, harsatna hmunah awmin a ṭul ang angin hma an la a, nute pawhin healthcare ṭha tak an neih theihna turin an thawk a ni. Fanu thar kan neih lawmna lantirna atan donation page kan siam tawh a ni. UNICEF i thlawpna hmang hian nunna piang thar i thlawp tihna a ni a, khawvel puma naupangte hriselna i thlawp tihna a ni bawk," tiin an thuchhuah siam chu an titawp a ni. 

Daisy hi Katy Perry tan chuan a fa hmasa ber a ni a, hetihlai hian Orlando hi chuan kum 9 mi fapa Flynn a lo nei tawh thung. 'Fireworks' hitmaker hian March thla khan midangin an la tih ngai loh ang takin music video kaltlangin nau a pai tih a puangzar a ni.