Billboard gospel chart-ah Peter CottonTale hla 24-na

Grammy Award pawh lo dawng tawh producer leh artist Peter CottonTale chuan a hla tihchhuah thar 'Pray for Real' tih chu Billboard Gospel National Airplay Chart-ah 24-na a nihpui.

Pray for Real hi April 16 khan tihchhuah a ni a, he hlaah hian CottonTale hian rapper Chance the Rapper leh Tobi Lou chu a thawhpui a ni. He hlaah hian hmathlir nei thiam tura ṭawngṭaina chungchangte, hreawm tuarte'n zalenna an neih theihna atana an ṭawngṭaina thute pawh a awm a ni.

April 17 khan CottonTale hian a album 'Catch' a tlangzarh a, Billboard gospel chart-a lang pha 'Pray for Real' pawh hi he album-a mi hi a ni. A album-ah hian hla 17 a awm a, contemporary gospel vek a ni. Kirk Franklin, Tiff Joy, New Direction, Fred Hammond, PJ Morton, Daniel Caesar, Jeremih leh Jamila Woods-te a thawhpui bawk.