Imagine Dragons Billboard album chart-ah ropuina an chang

Billboard album chart, Billboard 200 an tihah Imagine Dragons album thar Smoke + Mirrors a hlawhtling a, pakhatna a hauh. Kar khat chhungin copy 195,000 zet an hralh hman.

Imagine Dragons hian an album thar hi album pangngaiin copy 172,000 an hralh bakah, album tlukpuia chhiar 23,000 an hralh bawk a ni. An album hmasa ai khan a thleng sang a, mahse an album hmasa, Night Visions angin a daih rei ang em tih erawh zawhna awm thei a ni.

Night Visions album kha Billboard 200-ah hian pahnihna a ni thei a, an hralh tam ber karin copy 83,000 an hralh a, kum 2012-a an tihchhuah kha a ni. He album hi tun thlengin copy maktaduai 2.5 hralh a ni tawh a, tun thlengin Billboard 200-ah hian a la lang a, hapta 129 chhung a lang tawh a ni.

Pahnihnaah Drake-a album tihchhuah thut, sawi lawk em em awm loa a tihchhuah, If You're Reading This It's Too Late chu a awm a, tunkar chhung khan copy 187,000 lai a hralh leh. Kar hmasa khan pakhatna a luah a ni. Pathumnaah Fifty Shades of Grey soundtrack awmin, tunkar chhung khan copy 165,000 lai an la hralh.

Billboard 200

"Smoke + Mirrors" - Imagine Dragons (195,000)

"If You're Reading This It's Too Late" - Drake (187,000)

The "Fifty Shades of Grey" Soundtrack - Various Artists (165,000)

"1989" - Taylor Swift (93,000)

"X" - Ed Sheeran (81,000)

"In the Lonely Hour" - Sam Smith (72,000)

"V" - Maroon 5 (47,000)

"Title" - Meghan Trainor (44,000)

"The Pinkprint" - Nicki Minaj (41,000)

"Hozier" - Hozier (40,000)