Halsey-i'n a live album hmasa ber tichhuak dawn

Halsey chuan a live album hmasa ber 'Badlands: Live From Webster Hall' chu a tlangzarh dawn tih a sawi.

'Without Me' hitmaker hian kum 2015 khan a studio album hmasa ber a tlangzarh a, kum nga a liam hnuah a live album hmasa ber a tlangzarh dawn tih hi a sawi ve leh a ni. 'Badlands: Live From Webster Hall' hi nikum August thlaa New York-a hmun lar  Webster Hall-a a concert-na chu live album hian a siam a ni.

Halsey hian a album thar tihchhuah tur chungchang hi social media kaltlangin a puang chhuak a, a fan-te pawh an phur tawh hle. Studio album bik hi pa­thum a tichhuak tawh a, kum 2015 khan 'Badlands' tlang­zarhin he album aṭang hian khawvelin a hre ṭan a, kum 2017 khan 'Hopeless Fountain Kingdom' chu tichhuak lehin kumin kumtirah khan Maniac' a tlangzarh leh bawk. Heng album-te hi a hit hlawm hle a, Billboard chart-ah pawh a chet ṭhatpui hlawm hle a ni.

Live album erawh a la ti­chhuak lo a, 'Badlands: Live From Webster Hall' hi a hmasa ber tur niin a tihchhuah hun tur erawh a la puangzar lo thung.